కువైట్: జనరల్ ట్రాఫిక్ డిపార్టుమెంట్ నిర్వహించిన తనిఖీల్లో పెద్దయెత్తున లైసెన్సు లేకుండా వాహనాలు నడుపుతున్న జువైనల్స్ పట్టుబడ్డారు. మరిన్ని ఉల్లంఘనలు కూడా వెలుగు చూశాయి. నిర్లక్ష్య పూరిత డ్రైవింగ్ కేసులు ఎక్కువగా బయటపడ్డాయి. అధికారిక వర్గాలు వెల్లడించిన వివరాల ప్రకారం 13 నుంచి 16 ఏళ్ళ మధ్య వయసు వున్న బాలలు (జువైనల్స్) 1808 మంది వాహనాలు నడుపుతూ పట్టుబడ్డారు. జనవరి 1 నుంచి నవంబర్ 2 మధ్య.. అంటే పది నెలల కాలానికి 2,793,140 నోటీసులు జారీ అయ్యాయి ట్రాఫిక్ ఉల్లంఘనలకు సంబంధించి. అతి వేగం, నో పార్కింగ్ జోన్లలో వాహనాలు పార్కింగ్ చేయడం సహా పలు ఉల్లంఘనలు వున్నాయి.