ఒమన్: ముసందమ్ గవర్నరేట్, ఒమన్ సముద్ర తీరాల్లో సముద్రం అల్లకల్లోలంగా ఉంటుందని, సముద్ర కెరటాలు భారీగా ఎగసిపడే అవకాశం ఉందని ఒమన్ వాతావరణ శాఖ హెచ్చరించింది. "ముసందమ్ గవర్నరేట్‌కు ఎదురుగా ఉన్న తీరాలలో... ఒమన్ సముద్రం వెంబడి ఉన్న తీరప్రాంతంలో సముద్రపు అలలు గురువారం, శుక్రవారాల్లో భారీగా ఎగసిపడే అవకాశం ఉంది.  సగటు అలల ఎత్తు 2 మీటర్ల వరకు ఉంటుంది.  అరేబియా సముద్రానికి అభిముఖంగా ఉన్న తీరాలలో సగటు కెరటాల ఎత్తు 1.5 మీటర్ల వరకు ఎగసిపడే అవకాశం ఉంది." అని ఒమన్ వాతావరణ శాఖ తెలిపింది.