యూఏఈ:యూఏఈ నేషనల్ డే, స్మారక దినోత్సవం సందర్భంగా ప్రభుత్వం హాలీడేస్ ప్రకటించింది.వచ్చే నెల 2 న యూఏఈ నేషనల్ డే ఉత్సవాలు ఘనంగా జరుపుకోనుంది.ఈ సందర్భాన్ని పురస్కరించుకొని ఉద్యోగులకు 3 రోజులు పాటు సెలవులు ఇచ్చింది. డిసెంబర్ 1 నుంచి డిసెంబర్ 3 వరకు హాలీడేస్ ఇస్తున్నట్లు యూఏఈ మానవ వనరుల డిపార్ట్ మెంట్ ట్వీట్ చేసింది. ఇక శనివారం వీకెండ్ కావటంతో ఉద్యోగులకు వచ్చే వారం వరుసగా నాలుగు రోజుల పాటు హాలిడేస్ రానున్నాయి. నవంబర్ 30 తర్వాత ఉద్యోగులు మళ్లీ డిసెంబర్ 5 న ఆఫీస్ లకు వెళ్లాల్సి ఉంటుంది. అటు ప్రైవేట్ సెక్టార్లకు కూడా ఇప్పటికే ప్రభుత్వ హాలిడేస్ ఇచ్చింది. ఉద్యోగులు, కార్మికులకు కచ్చితంగా హాలిడేస్ ఇవ్వాలని యాజమానులకు ప్రభుత్వం సూచించింది.