ఆప్గనిస్తాన్‌లో ప్రస్తుతం నడుస్తున్న కేర్ టేకర్ ప్రభుత్వ ప్రతినిథులు అలాగే ఖతారీ అధికారులు ప్రత్యేకంగా సమావేశమయ్యారు. తీవ్రవాద కార్యకలాపాలపై ఉక్కుపాదం మోపడం, మానవీయ సాయం, హక్కుల పరిరక్షణ వంటి అంశాలపై ఖతారీ అధికారులు, ఆప్ఘనిస్తాన్ ప్రతినిథులతో చర్చించారు. శీతాకాలం వస్తోన్న నేపథ్యంలో బాధిత ప్రజలకు మానవీయ కోణంలో సాయమందించడం ఓ కీలకమైన అంశంగా ఈ సమావేశం జరిగింది. ఆప్ఘనిస్తాన్‌లో స్కూళ్ళు సజావుగా సాగడం వంటి అంశాలపై ఖతార్ అధికారులు, ఆప్ఘనిస్తాన్ బృందంతో చర్చించారు ఆప్ఘనిస్తాన్ అలాగే అంతర్జాతీయ సమాజంతో ఆప్ఘాన్‌లో పరిస్థితులపై చర్చించేందుకు ఖతార్ సిద్ధంగా వుంటుందని ఈ సందర్భంగా ఖతార్ అధికారులు చెప్పారు.