ఒకప్పుడు సుధాకర్ తెరపై కనిపిస్తే చాలు థియేటర్లలో నవ్వుల పువ్వులు పూసేవి... అంతకు ముందు సుధాకర్ పలు చిత్రాల్లో విభిన్నమైన పాత్రలు పోషించారు... అంతకంటే ముందు తమిళనాట యంగ్ హీరోగా వరుస విజయాలతో సంచలనం సృష్టించారు సుధాకర్... తమిళనాట స్టార్ డమ్ వదలుకొని మాతృభాషపై మమకారంతో తెలుగులో హాస్య పాత్రలను సైతం ఆనందంగా అంగీకరించి అభినయించారు సుధాకర్.. అలాంటి సుధాకర్ కొన్నేళ్ళుగా సినిమాలకు దూరంగా ఉన్నారు... ఆయన ఎక్కడున్నాడు, ఏమయ్యాడు అంటూ ఏబీయన్ -ఆంధ్రజ్యోతిని కూడా అభిమానులు అడిగేవారు... మొన్న సుధాకర్ పుట్టినరోజు సందర్భంగా ఆయన ఏబీయన్ కు ఇచ్చిన ఇంటర్వ్యూలో మళ్ళీ తాను నటిస్తున్నానని చెప్పారు... చెప్పినట్టుగానే సుధాకర్ 'వాడు నేను కాదు' అనే చిత్రంలో నటిస్తున్నారు... దర్శకుడు పూరి జగన్నాథ్ తమ్ముడు సాయిరామ్ శంకర్ హీరోగా తెరకెక్కుతున్న 'వాడు నేను కాదు' చిత్రంలో సుధాకర్ నటిస్తున్నారు... ఇది తప్పకుండా ఆయన అభిమానులకు ఆనందం పంచే విషయమే... సుధాకర్ మళ్ళీ మునుపటిలా హాస్యంతో అలరిస్తారని ఈ స్టిల్ చూసిన వారు ఆశిస్తున్నారు... 'వాడు నేను కాదు' చిత్రం విడుదలయ్యాక సుధాకర్ మరిన్ని చిత్రాల్లో తనదైన బాణీ పలికిస్తారేమో చూడాలి.