కువైట్: కరోనా కొత్త వేరియంట్ ఒమిక్రాన్ నేపథ్యంలో మూడో డోస్(బూస్టర్ డోస్) వేయనున్నారు. ఈ మేరకు ఆరోగ్య మంత్రిత్వ శాఖ అధికార ప్రతినిధి డాక్టర్ అబ్దుల్లా అల్-సనద్ తెలిపారు. మిష్రెఫ్‌లోని ఫెయిర్ గ్రౌండ్‌లోని వ్యాక్సినేషన్ సెంటర్‌లో ముందస్తు అపాయింట్‌మెంట్ లేకుండా బూస్టర్ డోస్ తీసుకోవచ్చన్నారు. అయితే ప్రైమరీ హెల్త్ సెంటర్లలో లేదా అధికారిక వెబ్‌సైట్‌లో మాత్రం నమోదు చేసుకోవాలన్నారు. ఫోన్ కు వచ్చిన మెసేజ్ ప్రకారం.. నిర్ణీత తేదీలో బూస్టర్ డోస్ తీసుకోవాలని సూచించారు. దేశవ్యాప్తంగా 18 హెల్త్ సెంటర్లలో సాయంత్రం 3 నుండి 9 గంటల వరకు బూస్టర్ డోస్ అందిస్తున్నట్లు డాక్టర్ అబ్దుల్లా అల్-సనద్ తెలిపారు.