కోవిడ్-19 కొత్త వేరియంట్ ఒమిక్రాన్‌ నుంచి ఫైజర్ పిల్ ద్వారా  90 శాతం రక్షణ ఉంటుందని ఫైజర్ కంపెనీ తెలిపింది. యాంటీవైరల్ కోవిడ్ -19 పిల్ టెస్టింగ్ లో మంచి రిజల్ట్స్ వచ్చినట్లు  వెల్లడించింది. ఇప్పటికే ఆసుపత్రిలో చేరిన వారు గానీ  ప్రమాద తీవ్రత ఎక్కువగా ఉన్న కరోనా రోగుల మరణాలను నివారించడంలో ఈ పిల్ దాదాపు 90 శాతం సామర్థ్యాన్ని చూపించిందన్నారు. సుమారు 1,200 మంది వ్యక్తులపై దీన్ని టెస్టింగ్ చేసినట్లు కంపెనీ చెప్పింది. ఫలితాల ను పైజర్ పిల్ ను ప్లేసిబో తో పోల్చినప్పుడు, ఆసుపత్రిలో చేరడం లేదా మరణాలను నివారించడంలో  పైజర్ పిల్ దాదాపు 89 శాతం ప్రభావవంతంగా ఉందని గుర్తించామని తెలిపింది.  ట్రయల్‌లో ఫైజర్ పిల్ తీసుకున్న వారు ఎవరూ మరణించలేదని... అదే సమయంలో ప్లేసిబో తీసుకున్న వారిలో 12 మంది మరణించారని నివేదించింది.