అబుధాబి: ముస్లిమేతర నిర్వాసితుల కుటుంబ వివాదాల కేసులను పరిష్కరించేందుకు ప్రత్యేక కోర్టును అబుధాబి జ్యుడీషియల్ డిపార్ట్‌మెంట్ (ADJD) అండర్ సెక్రటరీ యూసఫ్ సయీద్ అల్ అబ్రి ప్రారంభించారు. అబుధాబి ప్రెసిడెంట్ షేక్ ఖలీఫా బిన్ జాయెద్ అల్ నహ్యాన్ ముస్లిమేతర కుటుంబ వ్యవహారాలను నియంత్రించే చట్టాన్ని అమలు చేయనున్నట్లు ప్రకటించిన విషయం తెలిసిందే. ఈ సందర్భంగా యూసఫ్ సయీద్ అల్ అబ్రి మాట్లాడుతూ.. ఉప ప్రధాని, అధ్యక్ష వ్యవహారాల మంత్రి షేక్ మన్సూర్ బిన్ జాయెద్ అల్ నహ్యాన్ ఆదేశాలకు అనుగుణంగా అబుదాబి న్యాయ వ్యవస్థను మరింత అభివృద్ధి చేసేందుకు చేస్తున్న నిరంతర ప్రయత్నాల్లో భాగమే కోర్టు ఏర్పాటు అని వివరించారు. కొత్తగా ప్రారంభించిన కోర్టులో ద్విభాషా (అరబిక్, ఇంగ్లీష్)ను అమల్లో ఉంటుందన్నారు. కోర్టు ద్వారా వర్తించే ముస్లిమేతరుల వ్యక్తిగత స్థితి చట్టం, కుటుంబ విషయాల నియంత్రణలో పౌర సూత్రాలను వర్తింపజేయడం ప్రపంచంలోనే మొట్టమొదటిది అని ఆయన పేర్కొన్నారు.