కువైట్: కువైట్ కొత్తగా  ఒమిక్రాన్ కేసులు ఏమీ నమోదు కాలేదని  ఆరోగ్య మంత్రి షేక్ డాక్టర్ బాసిల్ అల్-సబాహ్ తెలిపారు. ఐతే కరోనా కేసుల్లో మాత్రం స్వల్పంగా పెరుగుదల ఉందని ఆయన అన్నారు. కరోనా కట్టడికి అన్ని చర్యలు తీసుకుంటున్నామని చెప్పారు. యూరోప్ లో ఒమిక్రాన్ కేసులు ఎక్కువగా నమోదవుతుండటంతో అలర్ట్ గా ఉన్నామన్నారు. యూరోప్ నుంచి వచ్చే సంఖ్య పెరిగిందని...వారికి కరోనా టెస్ట్ చేశాకే దేశంలోకి అనుమతిస్తున్నామని అన్నారు. నిషేధిత దేశాల నుంచి వచ్చిన వారిలో పాజిటివ్ వచ్చిన వారి శాంపిళ్లను జన్యు పరీక్షకు పంపుతున్నట్లు ఆరోగ్య శాఖ మంత్రి వెల్లడించారు. కరోనా కట్టడికి ప్రతి ఒక్కరూ మాస్కులు ధరించాలని, ఫిజికల్ డిస్టెన్స్ పాటించాలని డాక్టర్ బాసిల్ అల్-సబాహ్ మరోసారి ప్రజలకు సూచించారు.