దుబాయ్: డిసెంబర్ 15న అంగరంగ వైభవంగా దుబాయ్ షాపింగ్ ఫెస్టివల్ (డిఎస్ఎఫ్) ప్రారంభమైంది. ఈ నేపథ్యంలో కనీ వినీ ఎరుగని స్థాయిలో ప్రత్యేక వేడుకలు నిర్వహించారు. బుర్జ్ పార్క్ వద్ద ప్రత్యేక కార్యక్రమాల్ని రూపొందించారు. బుర్జ్ ఖలీఫా లైట్ షో, డాన్సింగ్ ఫౌంటెయిన్స్ ప్రధాన ఆకర్షణలుగా నిలిచాయి. జనవరి 30 వరకు మొత్తం 47 రోజులపాటు దుబాయ్ షాపింగ్ ఫెస్టివల్ కొనసాగుతుంది. కాగా, షో కోసం 75 దిర్హాములతో టిక్కెట్ల ధరలు ప్రారంభమవుతాయి. ఈ వేడకల్లో డ్రోన్ లైట్ షో మరో ప్రధాన ఆకర్షణ. ప్రతిరోజూ సాయంత్రం 7 గంటల నుంచి 9.30 నిమిషాల వరకు ఈ షో కొనసాగుతుంది. గురువారం, డిసెంబర్ 16న దుబాయ్ ఫెస్టివల్ సిటీ మాల్, అల్ సీఫ్, దుబాయ్ క్రీక్, దుబాయ్ ఫ్రేమ్ మరియు లా మెర్ వద్ద ఫైర్ వర్క్స్ ప్రదర్శన వుంటుంది. డిసెంబర్ 22 వరకు ప్రతిరోజూ ఈ షో నిర్వహిస్తారు.