దుబాయ్: దుబాయ్ ప్రభుత్వ మానవ వనరుల విభాగం జనవరి 1, 2022ని అధికారిక సెలవుదినంగా ఆమోదించింది. దీంతో ప్రభుత్వ రంగ ఉద్యోగులు మూడు రోజులపాటు న్యూ ఇయర్ సెలబ్రేషన్స్ జరుపుకోవడానికి  అవకాశం లభించనుంది.యూఏఈ ప్రభుత్వం ప్రకటించిన కొత్త వీకెండ్ వర్క్ సిస్టం(నాలుగున్నర రోజులు పనిదినాలు) జనవరి 1 నుంచి అమల్లోకి రానుంది. దీని ప్రకారం..3 జనవరి 2022 సోమవారం నుంచి ప్రభుత్వ కార్యాలయాలు తిరిగి ప్రారంభమవుతాయి.శుక్రవారాల్లో సగం రోజు సెలవుతోపాటు శనివారం, ఆదివారం సెలవు దినాలుగా యూఏఈ ప్రకటించిన విషయం తెలిసిందే.