కువైట్: కువైట్‌లో పాస్‌పోర్ట్, వీసా సర్వీసుల కోసం BLS ఇంటర్నేషనల్ తో కువైట్‌లోని ఇండియన్ ఎంబసీ ఒప్పందం కుదిరింది. ఇరుపక్షాలు ఒప్పందంపై సంతకాలు చేశారు. ప్రస్తుతం భారతీయ పాస్‌పోర్ట్, వీసా సేవలను కువైట్‌లోని CKGS నిర్వహిస్తోంది. జనవరి 2022 నుంచి BLS ఇంటర్నేషనల్‌ పని మొదలుపెట్టనుంది. కువైట్‌లోని షార్క్, ఫహాహీల్, జ్లేబ్ అల్ షువైఖ్‌లలో మూడు కేంద్రాలతో కార్యకలాపాలు ప్రారంభించనుంది. పాస్‌పోర్ట్, వీసా ఫారమ్ ఫిల్లింగ్, ప్రింటింగ్, ఫోటోగ్రఫీ, ఫీ కలెక్ట్, అపాయింట్ మెంట్లు, హెల్ప్ లైన్లు వంటి సేవలను BLS అందించనుంది. కువైట్ లోని ఇండియన్ ఎంబసీకి ఏటా 2 లక్షల అప్లికేషన్లు వస్తాయి. BLS ఇంటర్నేషనల్.. కెనడా, యూఏఈ, రష్యా, సింగపూర్, చైనా, మలేషియా, ఒమన్, ఆస్ట్రియా, పోలాండ్, లిథువేనియా, నార్వే,  హాంకాంగ్ వంటి దేశాల్లో దశాబ్ద కాలంగా భారతీయ ఎంబసీలకు సర్వీస్ అందిస్తున్న అనుభవం ఉంది.