యూఏఈ: దుబాయ్ ఎక్స్ పో 2020 లో కరోనా కలకలం రేపింది. జపాన్ పెవిలియన్ కు చెందిన రెస్టారెంట్ లో ఓ వ్యక్తికి కరోనా పాజిటివ్ గా తేలింది. దీంతో వెంటనే రెస్టారెంట్ ను మూసివేశారు. అతనితో కాంటాక్ట్స్ అందరినీ ట్రేస్ చేస్తున్నారు. ఐతే రెస్టారెంట్ మాత్రమే తాత్కాలికంగా మూసివేస్తున్నట్లు...పెవిలియన్ మాత్రం కొనసాగుతుందని జపాన్ ఎంబసీ ప్రకటించింది. ఇటీవల మళ్లీ కరోనా కేసుల సంఖ్య భారీగా పెరుగుతోంది. దీంతో ముందస్తు చర్యల్లో భాగంగా ఎక్స్ పో లోని వర్క్ ఫోర్స్, ఇతర సిబ్బంది కి కరోనా టెస్టులు చేశారు. ఈ టెస్టుల్లో ఓ వ్యక్తి పాజిటివ్ గా తేలింది. దీంతో పరేడ్ లు, రోవింగ్ ఎంటర్ టైన్ కార్యకలాపాలను మూసివేస్తున్నట్లు నిర్వాహకులు తెలిపారు.  అటు యూఏఈ కరోనా నివారణకు సమర్థవంతంగా చర్యలు చేపట్టింది. ప్రపంచంలో అత్యధిక టీకా రేటు కలిగిన దేశం యూఏఈ యే కావటం విశేషం.  ఇప్పటికే ఇక్కడ 96 శాతం జనాభాకు టీకాలు ఇచ్చారు.