కువైట్: కరోనా వ్యాప్తి నేపథ్యంలో ఎయిర్ పోర్ట్, నర్సరీలు, స్కూల్స్ మూసి వేస్తారని జరుగుతున్న ప్రచారంలో వాస్తవం లేదని ఉప ప్రధాని, రక్షణ మంత్రి, కరోనా ఎమర్జెన్సీల మంత్రిత్వ కమిటీ ఛైర్మన్ షేక్ హమద్ జబర్ అల్-అలీ స్పష్టం చేశారు. కరోనా వ్యాప్తి నేపథ్యంలో కరోనా కమిటీ ముందుకు అనేక సిఫార్సులు వచ్చాయన్న ఆయన.. క్లిష్ట పరిస్థితుల్లో కువైట్ ప్రజలకు సహాయం చేయడానికి వీలైనంత వరకు ప్రయత్నిస్తామన్నారు. డిస్టెన్స్ లెర్నింగ్ లో ప్రతికూలతలు ఉన్నాయని, సమస్యలను సమతుల్యం చేయడానికి ప్రయత్నిస్తున్నామని ఆయన చెప్పారు.