అల్‌ఖోర్‌ ఆసుపత్రిని 500 పడకల ఆసుపత్రిగా తీర్చిదిద్దే ప్రయత్నాలు జరుగుతున్నాయి. ఆసుపత్రి విస్తరణ పనులు జోరుగాసాగుతున్నట్లు అల్‌ఖోర్‌ ఆసుపత్రి ఎగ్జిక్యూటివ్‌ డైరెక్టర్‌ అలీ అల్‌ జస్సిమాన్‌ చెప్పారు. ఇంకా ప్లానింగ్‌ స్టేజ్‌లో వుందనీ, కొత్త ఆసుపత్రిలో 500 పడకలు అందుబాటులో వుంటాయనీ, న్యూరో సర్జరీ, హార్డ్‌ డిసీజెస్‌, యాక్సిడెంట్‌ అండ్‌ ఎమర్జన్సీ కేర్‌ వంటి ప్రత్యేక విభాగాల్ని ఆసుపత్రిలో ఏర్పాటు చేస్తామని ఆయన అన్నారు. పాత భవనాన్ని ఆసుపత్రికి వచ్చే పేషెంట్ల సహాయకుల కోసం వినియోగిస్తామని చెప్పారాయన. ఎక్స్‌రే, లేబరేటరీ వంటి విభాగాల్నీ విస్తరిస్తామని అన్నారు అలీ అల్‌ జస్సిమాన్‌. ఈ సంవత్సరం ఏప్రిల్‌ వరకూ 60 వేల మంది పేషెంట్లు వైద్య సేవల్ని తమ ఆసుపత్రిలో పొందినట్లు ఆయన వివరించారు.

 

--వి.రాజ్ కుమార్(ఖతార్)