బహ్రెయిన్: పలు వెబ్‌సైట్లలో తక్కువ ధరలకే నోరూరించే ఫాస్ట్ ఫుడ్ ప్రకటనల్ని చూశారా.? వాటి వైపు ఆకర్షితులైతే మాత్రం, మీ బ్యాంక్ అక్కౌంట్ల నుంచి సొమ్ములు గల్లంతైపోతాయి. మహేష్ అనే ఓ బహ్రెయిన్ రెసిడెంట్, అలా ఓ లింక్ క్లిక్ చేసి, 600 బహ్రెయినీ దినర్లను తన అకౌంట్ నుంచి కోల్పోయాడు. 1 దినార్ 100 ఫిల్స్ ఓ బర్గర్ కోసం చెల్లించేందుకు ప్రయత్నించగా, 600 బహ్రెయినీ దినార్లు తన అకౌంట్ నుంచి మాయమయ్యాయని మహేష్ పేర్కొన్నారు. దినార్లలో కాకుండా పౌండ్ల రూపంలో వారు డబ్బు కాజేసినట్లు చెప్పారు మహేష్. బ్యాంకుకి అలాగే పోలీసులకు ఈ మోసంపై మహేష్ ఫిర్యాదు చేశారు. ప్రముఖ సంస్థల వెబ్‌సైట్లలానే కనిపిస్తాయిగానీ, చిన్న చిన్న మార్పులు వుంటాయనీ, వాటిని గుర్తించడం సులువే అయినప్పటికీ, ఓవర్ లుక్‌లో తప్పులు జరుగుతుంటాయని ఆయన అన్నారు.