కువైట్: ఎయిర్ కార్గో కంట్రోల్ సెక్షన్ కస్టమ్స్ అధికారులు 10 కిలోల మరిజువానా, 40 క్యాన్ల లిక్విడ్ సబ్‌స్టాన్స్ మరిజువానా ఆయిల్ స్వాధీనం చేసుకున్నారు. అమెరికా నుంచి వచ్చిన పర్సనల్ బ్యాగింగ్‌లో వీటిని గుర్తించి, స్వాధీనం చేసుకోవడం జరిగిందని అధికారులు పేర్కొన్నారు. సదరు బ్యాగేజీ, ఓ అరబ్ జాతీయుడికి చెందినదని అధికారులు తెలిపారు. ఒక్కో క్యానులో 500 మిల్లీగ్రాముల మరిజువానా ఆయిల్ వుందనీ, మొత్తం 40 క్యాన్లను స్వాధీనం చేసుకున్నామని వివరించారు. నిందితుడ్ని అరెస్టు చేశారు.