సౌదీ:  కరోనావైరస్ మహమ్మారి కారణంగా ట్రావెల్ బ్యాన్ విధించిన 19 దేశాల నుండి వచ్చిన ప్రవాసులు రెసిడెన్సీ పర్మిట్‌ (ఇఖామా) చెల్లుబాటు గడువును మార్చి 31 వరకు పొడిగించారు. తాజా నిర్ణయంతో ఆయా దేశాల వారు ప్రయోజనం పొందుతారని జనరల్ డైరెక్టరేట్ ఆఫ్ పాస్‌పోర్ట్స్ (జవాజత్) ప్రకటించింది. 19 దేశాల్లో టర్కీ, లెబనాన్, ఇథియోపియా, ఆఫ్ఘనిస్తాన్, దక్షిణాఫ్రికా, జింబాబ్వే, నమీబియా, మొజాంబిక్, బోట్స్వానా, లెసోతో, ఎస్వతిని, మలావి, జాంబియా, మడగాస్కర్, అంగోలా, సీషెల్స్, మారిషస్, కొమొరోస్, నైజీరియా ఉన్నాయి. ఈ దేశాలకు ఎగ్జిట్, రీ-ఎంట్రీ వీసా చెల్లుబాటును ఆటోమెటిక్ గా పొడిగించడం ప్రారంభించినట్లు జవాజాత్ ప్రకటించింది. అయితే ఒక డోస్ కరోనావైరస్ వ్యాక్సిన్ తీసుకున్న ప్రవాసులకు ఈ పొడిగింపు వర్తించదు. అలాగే విజిట్ వీసాల చెల్లుబాటు గడువును కూడా పొడిగించడం జరిగిందని వెల్లడించింది.