అబుధాబి: అల్ సిద్ర్ ఎన్విరాన్‌మెంటల్ ఫిల్మ్ ఫెస్టివల్ 2022 రెండవ ఎడిషన్ ను ఫిబ్రవరి 24-27 నుండి నిర్వహించేందుకు అబుదాబి సిద్ధమవుతోంది. దీన్ని  జాయెద్ యూనివర్శిటీ, ఎన్విరాన్‌మెంట్ ఏజెన్సీ - అబుదాబి ఆర్గనైజ్ చేస్తుండగా..  ADNOC, యునైటెడ్ అరబ్ ఎమిరేట్స్‌లోని బ్రిటిష్ కౌన్సిల్ మద్దతుతో మనరత్ అల్ సాదియత్ హోస్ట్ చేస్తుంది. ఫిల్మ్ ఫెస్టివల్ కు ప్రజలకు ఫ్రీ ఎంట్రీ కల్పించనున్నారు. ఈ సందర్భంగా షార్ట్ ఫిల్మ్స్, ఫిక్షన్ ఫిల్మ్ లు, ప్రీమియరింగ్ ఫిల్మ్ లు ప్రదర్శించనున్నారు. వాతావరణ సంక్షోభం, పట్టణ కాలుష్యం, ప్రపంచ నీటి కొరత, వివిధ పర్యావరణ - సామాజిక సమస్యల ప్రభావంపై రౌండ్‌టేబుల్‌ సమావేశాలను ఏర్పాటు చేయనున్నారు. ఈ సంవత్సరం ఒయాసిస్ పారడాక్స్ థీమ్ ఆధారంగా ఫిల్మ్ ఫెస్టివల్ ను నిర్వహించనున్నారు.