సౌదీ: జెడ్డా ఇస్లామిక్ పోర్ట్, దుబా పోర్ట్ ల ద్వారా దేశంలోకి 2,483,926 యాంఫెటమైన్ ట్యాబ్లెట్లను అక్రమంగా తరలించేందుకు చేసిన ప్రయత్నాలను సౌదీ కస్టమ్స్ అడ్డుకుంది. జెడ్డా ఇస్లామిక్ పోర్ట్ లో గ్లోవ్ బాక్సుల్లో దాచిన 2,060,000 యాంఫెటమైన్ ట్యాబ్లెట్లను గుర్తించి స్వాధీనం చేసుకున్నట్లు జకాత్, పన్ను, కస్టమ్స్ అథారిటీ (ZATCA) తెలిపింది. అలాగే ఎర్ర సముద్రం ఓడరేవు ద్వారా దుబా పోర్ట్ కు వచ్చిన ట్రక్కు స్పేర్ టైర్‌లో దాచిన 423,926 ట్యాబ్లెట్‌లను గుర్తించి స్వాధీనం చేసుకున్నామన్నారు. జనరల్ డైరెక్టరేట్ ఆఫ్ నార్కోటిక్స్ కంట్రోల్‌తో సమన్వయంతో ఈ నేరాలకు పాల్పడిన ముగ్గురిని అరెస్టు చేసినట్లు ZATCA వివరించింది. మాదకద్రవ్యాల అక్రమ రవాణాకు వ్యతిరేక పోరాటంలో సహకరించాలని అథారిటీ పిలుపునిచ్చింది. 1910కి కాల్ చేయడం ద్వారా.. [email protected] ఈ-మెయిల్ ద్వారా లేదా అంతర్జాతీయ నంబర్ 00966114208417 కు సమాచారం అందివ్వాలని ప్రజలను కోరింది.