యూఏఈ: స్టూడెంట్స్, స్కూల్ స్టాఫ్ మద్దతుగా యూఏఈలో 24/7 పాటు అందుబాటులో ఉండే మెంటల్ హెల్త్ అసిస్టెంట్ ప్రోగ్రామ్ ని ప్రారంభించారు. నెలకు Dh8కే ఇందులో సేవలు అందిస్తారు. 24/7 పనిచేసే కేంద్రంలో మెంటల్ హెల్త్ కి సంబంధించిన సమస్యలకు అవసరమైన చికిత్సలు అందిస్తారు. ICAS మేనా ప్రారంభించిన ఈ సేవలు ఏడాది పొడవునా సంస్థలు, విద్యాసంస్థలు, స్టూడెంట్స్ కోసం అందుబాటులో ఉంటాయి. శిక్షణ పొందిన మానసిక ఆరోగ్య నిపుణులు, సైకాలజిస్ట్, లాయర్, ఇండిపెండెంట్ ఆర్థిక సలహాదారు, డైటీషియన్, నూట్రిషనిస్ట్, ఫిట్‌నెస్ లేదా లైఫ్ కోచ్‌ లు ఈ కేంద్రాల్లో సేవలు అందిస్తారు. ఈ కేంద్రానికి వచ్చే వారి వివరాలు గోప్యంగా ఉంచబడతాయని అధికారులు స్పష్టం చేశారు.