ఒమన్: COVID-19 వ్యాప్తిని అరికట్టడం, వ్యాక్సినేషన్ రేటును పెంచేందుకు ఆరోగ్య మంత్రిత్వ శాఖ (MoH) మొబైల్ వ్యాక్సిన్ సర్వీస్ (బస్ సర్వీస్)ని ప్రారంభించనుంది. ఆస్టర్ హాస్పిటల్ సహకారంతో ఫిబ్రవరి 13 నుండి 24 వరకు మస్కట్‌లోని ఐదు ప్రాంతాలలో COVID-19 వ్యాప్తిని అరికట్టేందుకు మొబైల్ ఇమ్యునైజేషన్ సర్వీసును ప్రారంభించనున్నట్లు MoH  వెల్లడించింది. ఫిబ్రవరి 13, 14 తేదీలలో మాల్ ఆఫ్ మస్కట్‌లోని పార్కింగ్ స్థలంలోని సీబ్ విలాయత్‌లో సాయంత్రం 4 గంటల నుండి రాత్రి 8 గంటల వరకు, ఫిబ్రవరి 15, 16 తేదీలలో సాయంత్రం 4 నుండి రాత్రి 8 వరకు సిటీ సెంటర్ మస్కట్, సీబ్ పక్కనే ఉన్న అల్ మకాన్ కేఫ్ పార్కింగ్ స్థలంలో ఈ సేవలు అందుబాటులో ఉంటాయి. ఫిబ్రవరి 17 నుండి 20 వరకు మినిస్ట్రీస్ స్ట్రీట్‌లోని బాషర్ విలాయత్‌లో ఉదయం 9 నుండి మధ్యాహ్నం 1 గంటల వరకు, ఫిబ్రవరి 21, 22 తేదీలలో ముత్రా విలాయత్‌లోని హెల్త్ సెంటర్ పార్కింగ్ స్థలంలో ఉదయం 9 నుండి మధ్యాహ్నం 1 గంటల వరకు అందుబాటులో ఉంటుంది. ఫిబ్రవరి 23, 24 తేదీలలో సుల్తాన్ సెంటర్‌లోని పార్కింగ్ స్థలంలో సాయంత్రం 4 గంటల నుండి రాత్రి 9 గంటల వరకు అమెరత్ విలాయత్‌లో మొబైల్ వ్యాక్సిన్ సర్వీస్ అందుబాటులో ఉంటుందని MoH  ప్రకటించింది.