ఖతార్: రిక్రూట్‌మెంట్‌ నిబంధనలు ఉల్లంఘించిన ఐదు లేబర్ రిక్రూట్‌ మెంట్ ఆఫీసులను కార్మిక మంత్రిత్వ శాఖ సీజ్ చేసింది. అల్ జవ్దా మ్యాన్‌పవర్, యూనియన్ మ్యాన్‌పవర్, ఎంప్రెస్ మ్యాన్‌పవర్, త్సాహీల్ మ్యాన్‌పవర్ అండ్ అల్ ఖలీజ్ ఎక్స్ ప్రెస్ మ్యాన్‌పవర్ రిక్రూట్ మెంట్ కార్యాలయాలను మూసివేశారు. తదుపరి ఆర్డర్స్ వచ్చే వరకు కార్మికులను నియమించుకోవడం లేదా యజమానులతో ఒప్పందాలు చేసుకోవడాన్ని నిషేధించారు. డొమెస్టిక్ లేబర్ రిక్రూట్‌మెంట్ కోసం ధరలు, నిబంధనల ఉల్లంఘనలకు పాల్పడట్టూ తనిఖీ బృందాలు నిర్ధారించాయని మంత్రిత్వ శాఖ తెలిపింది. నిబంధనలు ఉల్లంఘించే వారి వివరాలు తెలిస్తే  40288101 లేదా ఇ-మెయిల్ infomol.gov.qa. ద్వారా ఫిర్యాదు చేయాలని కోరింది.