రియాద్: రియాద్ ప్రాంత మునిసిపాలిటీ, నిర్మాణ రంగానికి సంబంధించిన పనుల్ని నిషేధిస్తూ ఆదేశాలు జారీ చేసింది. మఘ్రిబ్ ప్రేయర్ (సాయంత్రం 5-6 గంటల) నుండి ఉదయం 7 గంటల వరకు ఈ నిషేధం వర్తిస్తుంది. ఉల్లంఘనకు పాల్పడేవారికి 10,000 సౌదీ రియాల్స్ జరీమానా విధిస్తారు. ఆయా నిర్మాణ ప్రాంతాల సమీపంలో వున్నవాకి ఇబ్బంది కలగకుండా ఈ నిర్ణయం తీసుకున్నారు. కాగా, మినిస్ట్రీ ఆఫ్ హ్యూమన్ రిసోర్సెస్ మరియు సోషల్ డెవలప్మెంట్ గత వేసవి కాలంలో మధ్యాహ్నం 12 గంటల నుండి మధ్యాహ్నం 3 గంటల వరకు వర్క్ బ్యాన్ నిషేధించిన సంగతి తెలిసిందే. కార్మికులకు ఎండ దెబ్బ తగలకుండా ఈ నిర్ణయం తీసుకున్నారు.