సౌదీ: కరోనా వైరస్ మహమ్మారిని ఎదుర్కోవడానికి సంబంధించిన ముందుజాగ్రత్త, నివారణ నిబంధనలను ఎత్తివేస్తున్నట్లు సౌదీ అరేబియా అంతర్గత మంత్రిత్వ శాఖ తెలిపింది. ఇకపై సోషల్ డిస్టెన్స్, బహిరంగ ప్రదేశాల్లో మాస్కు పెట్టుకోవడం తప్పనిసరి కాదు. అలాగే రెండు పవిత్ర మస్జీదులతోపాటు అన్ని ప్రార్థన మందిరాల్లోనూ సోషల్ డిస్టెన్స్ నిబంధనలను తొలగించినట్లు అంతర్గత మంత్రిత్వ శాఖ తెలిపింది. డెవోటీస్ మాత్రం మాస్కులు తప్పనిసరిగా పెట్టుకోవాల్సి ఉంటుందన్నారు. సౌదీ అరేబియాకు వచ్చిన ప్రయాణికులు తప్పనిసరిగా COVID-19 క్వారంటైన్ లో ఉండాల్సిన అవసరం లేదు. అలాగే ఇకపై ప్రయాణీకులు వచ్చిన తర్వాత PCR పరీక్షను చేయించుకోవాల్సి అవసరం కూడా లేదని అధికారులు స్పష్టం చేశారు.