యూఏఈ: రోడ్డు ప్రమాదంలో మృతి చెందిన ఓ మహిళను గుర్తించేందుకోసం ప్రజల సహకారాన్ని కోరుతున్నారు దుబాయ్ పోలీసులు. మృతురాల్ని ఆఫ్రికా మూలాలున్న వ్యక్తిగా గుర్తించారు. బుర్ దుబాయ్‌లో జరిగిన రోడ్డు ప్రమాదంలో ఆమె ప్రాణాలు కోల్పోయారు. ఆమె వద్ద ఎలాంటి గుర్తింపు పత్రాలూ లభించలేదు. ఆమె తప్పిపోయినట్లుగా లేదా కనిపించడంలేదంటూ ఎలాంటి ఫిర్యాదులూ పోలీసులకు అందలేదు. వివరాలు తెలిస్తే, దుబాయ్ పోలీస్ కాల్ సెంటర్ 04-901 నెంబరుకి ఫోన్ చేసి చెప్పాలని అధికారులు కోరుతున్నారు.