కువైట్: 2021లో 139 ఇంటర్నెట్ వెబ్‌సైట్‌లను కువైట్ నిషేధించింది. పబ్లిక్ నైతికతలను ఉల్లంఘించినందుకు లేదా  గోప్యత, ఎలక్ట్రానిక్ ఫిషింగ్‌, తదితర నిబంధనలను ఉల్లంఘించినందుకు బ్లాక్ చేసినట్లు కమ్యూనికేషన్స్ అండ్ ఇన్ఫర్మేషన్ టెక్నాలజీ కమీషన్ పేర్కొంది. మొత్తంగా  140 వెబ్‌సైట్‌లపై 323 ఫిర్యాదులు వచ్చాయని, విచారణ అనంతరం 139 వెబ్‌సైట్‌లు బ్లాక్ చేశామని తెలిపింది. కువైట్‌లోని వెబ్‌సైట్‌లను బ్లాక్ చేయడం లేదా ఎత్తివేయడం లాంటి చర్యలు కమిషన్ అధికంగా(58% )  2021 జూలై, సెప్టెంబర్ మధ్య తీసుకున్నవే. కేవలం మూడు నెలల్లో, మొత్తం వెబ్‌సైట్‌లలో 80 వెబ్‌సైట్‌లు బ్లాక్ చేయడం గమనార్హం.