సౌదీ: ఇ-కామర్స్ లాజిస్టిక్స్, డెలివరీ రంగాల్లో సౌదీ మహిళలకు ఉద్యోగ అవకాశాలను కల్పించే కార్యక్రమాన్ని అమెజాన్ శనివారం ప్రారంభించింది. తన డెలివరీ సేవా భాగస్వాములతో కలిసి పని చేసేందుకు అమెజాన్ మహిళా డెలివరీ అసోసియేట్లను నియమించుకుంటోంది. అనంతరం ఎంపికైన వారికి  లాజిస్టిక్స్, డెలివరీ లలో విజయవంతం కావడానికి అవసరమైన నైపుణ్యాలు, సాంకేతికత, నైపుణ్యాల శిక్షణ అందిస్తుంది. తొలుత వారితో యూనివర్సిటీలు, ఆసుపత్రులు, సమ్మేళనాలు, స్కూళ్లకు మాత్రమే డెలివరీలు పంపుతారు. మహిళల వ్యక్తిగత అవసరాలను బ్యాలన్స్ చేసేందుకు వారి కోసం షిఫ్ట్ ల వారిగా పని గంటల సౌకర్యాన్ని ఏర్పాటు చేసినట్లు అమెజాన్ వర్గాలు తెలిపాయి.