సౌదీ: ప్రపంచ మార్కెట్లలో చమురు సరఫరాలో ఎటువంటి కొరత వచ్చినా దానికి బాధ్యత తమది కాదని సౌదీ అరేబియా ప్రకటించింది. ఇటీవల ఇరాన్ మద్దతుగల ఉగ్రవాది హౌతీ మిలీషియా సౌదీలోని చమురు కేంద్రాలపై దాడులకు పాల్పడిన విషయం తెలిసిందే. బాలిస్టిక్ క్షిపణులతో టెర్రరిస్టులు విరుచుకుపడ్డారు. హౌతీ మిలీషియాలకు టెక్నాలజీని అందజేసి వారిని సన్నద్ధం చేయడంలో ఇరాన్ ప్రముఖ పాత్ర వహిస్తోందని సౌదీ ఆరోపిస్తుంది. అంతర్జాతీయ సమాజం ఈ విషయాన్ని తెలుసుకోవాలని స్పష్టం చేసింది. చమురు, గ్యాస్, శుద్ధి చేసిన ఉత్పత్తుల లక్ష్యంగా టెర్రరిస్టులు దాడులు చేయడం వెనుక ఇరాన్ కుట్ర దాగి ఉందని, ప్రపంచ దేశాలు గ్రహించాలని సౌదీ మరోసారి కోరింది.