యూఏఈ: పవిత్ర రమదాన్ మాసంలో తరావీహ్ ప్రార్థనా కాలం కోసం షార్జా మస్జీదుల దగ్గర ఉచిత పార్కింగ్ సౌకర్యాన్ని కల్పించారు. ప్రార్థనల కోసం వచ్చే వారికి ఇబ్బందులు కలుగకుండా మస్జీదుల ప్రాంగణాల్లో కార్ల పార్కింగ్ సౌకర్యాలను పర్యవేక్షించడానికి ఇన్‌స్పెక్టర్‌లను నియమించారు. వీరు డబుల్ పార్కింగ్ లేదా ఇతర కార్లను బ్లాక్ చేసేలా కార్లను పార్కింగ్ చేయడం లాంటి చర్యలను నివారిస్తారు. సరైనా పద్ధతిలో కార్లను పార్కింగ్ చేసేలా వీరు చర్యలు తీసుకుంటారు. ఏవైనా ఉల్లంఘనలు లేదా ప్రతికూల ప్రవర్తనలను గుర్తిస్తే హాట్‌లైన్‌కు కాల్ చేసి చెప్పాలని షార్జా మునిసిపాలిటీ కోరింది.