సౌదీ అరేబియా: పబ్లిక్ సెక్యూరిటీ అధికార ప్రతినిథి బ్రిగేడియర్ జనరల్ సమి అల్ షువైరెఖ్ మాట్లాడుతూ, వివిధ రకాలైన సోషల్ మీడియా వేదికల్ని వినియోగించి బెగ్గర్లను అరికట్టనున్నట్లు చెప్పారు. ప్రజలెవరూ బెగ్గింగ్‌ని ప్రోత్సహించరాదనీ, తాము చేసే డొనేషన్లు అలాగే సేవా కార్యక్రమాలు నిజమైన లబ్దిదారులకు చేరుతున్నాయో లేదో తెలుసుకోవాలని సూచించారాయన. మంగళవారం నుంచి కఠినంగా యాంటీ బెగ్గింగ్ చట్టాన్ని అమలు చేయనున్నట్లు తెలిపారు. 100,000 సౌదీ రియాల్స్ గరిస్టంగా జరీమానా, ఏడాది జైలు శిక్ష దోషులకు తప్పదని చెప్పారు. జైలు శిక్ష పూర్తయ్యాక సౌదీ అరేబియా నుంచి ఉల్లంఘనుల్ని బహిష్కరిస్తారు. వారు తిరిగి దేశంలోకి వచ్చేందుకు మళ్ళీ అవకాశం వుండదు.