మదీనా: ప్రస్తుత ఉమ్రా సీజన్ లో భాగంగా గురువారం నాటికి ఉమ్రా యాత్రికులు సంఖ్య 895,499కి చేరుకుందని మదీనాలోని హజ్, ఉమ్రా మంత్రిత్వ శాఖ వెల్లడించింది. వీరిలో 822,736 మంది యాత్రికులు విమానంలో వచ్చారు.  ఉమ్రా చేసిన తర్వాత 648,858 మంది యాత్రికులు తిరిగి వెళ్లారని మంత్రిత్వ శాఖ తెలిపింది. రోడ్డు మార్గం ద్వారా 72,687 మంది రాగా... వారిలో 50,548 మంది బయలుదేరి వెళ్లారు. సముద్ర మార్గంలో వచ్చిన వారి సంఖ్య 76 కాగా.. వారిలో 72 మంది ఉమ్రా చేసిన తర్వాత రాజ్యాన్ని విడిచిపెట్టారని మంత్రిత్వ శాఖ పేర్కొంది.