సౌదీ: పవిత్ర నగరం మక్కాలోని గ్రాండ్ మస్జీదు లోపల గురువారం ఇద్దరు వ్యక్తుల మధ్య ఘర్షణ చోటు చేసుకుంది. దీనికి సంబంధించిన వీడియో వైరల్ అవుతోంది. ఈ ఘటనకు సంబంధించిన వివరాలను సౌదీ అరేబియాలోని భద్రతా అధికారులు వెల్లడించారు. హజ్, ఉమ్రా భద్రత కోసం ప్రత్యేక దళాలు గ్రాండ్ మస్జీదు లోపల గొడవ జరిగిందని నిర్ధారించారు. ఇద్దరు వ్యక్తులు ఈ ఘర్షణలో పాల్గొన్నారని, ఎవరికి గాయాలు కాలేదని, వారిపై చట్టపరమైన చర్యలు తీసుకుంటామన్నారు. ప్రత్యేక భద్రత దళాలు సంఘటన జరిగిన స్థలానికి చేరుకునేలోపే కొంతమంది యాత్రికులు వారి మధ్య వివాదాన్ని పరిష్కరించారన్నారు. అన్ని రకాల ప్రవేశ వీసాలు కలిగి ఉన్నవారు ఉమ్రా చేయడానికి అనుమతించబడతారని సౌదీ హజ్, ఉమ్రా మంత్రిత్వ శాఖ ప్రకటించింది.