కువైట్: 2022 మొదటి త్రైమాసికంలో 638 మంది డ్రగ్స్ అనుమానితులను అరెస్ట్ చేసినట్లు అంతర్గత వ్యవహారాల మంత్రిత్వ శాఖ తెలిపింది. స్మగ్లర్లు, డ్రగ్స్ పంపేవారిని ఎదుర్కోవడానికి ఇతర భద్రతా రంగాల సహకారంతో తనిఖీలు చేపడుతున్నట్లు పేర్కొంది. ప్రత్యేక భద్రతా సంస్థల సమన్వయంతో డ్రగ్స్ కు వ్యతిరేకంగా ప్రచారాలను నిర్వహిస్తున్నట్లు తెలిపింది. డ్రగ్స్ ప్రమోటర్లు యువకులను లక్ష్యంగా చేసుకుంటున్నారని, డ్రగ్ పెడ్లర్లపై నిఘా పెట్టినట్టు పేర్కొంది. మాదకద్రవ్యాల సమస్యను ఎదుర్కొనేందుకు పౌరులు, నివాసితులు భద్రతా సేవలతో సహకరించాలని భద్రతా వర్గాలు పిలుపునిచ్చాయి. అన్ని కుటుంబాలు తమ పిల్లలపై పర్యవేక్షణ పెట్టాలని సూచించింది. పిల్లలో మతపరమైన నైతిక విలువలను పెంచేందుకు కృషి చేయాలని పిలుపునిచ్చింది.