ఉగ్రవాద వ్యాప్తి కోసం ఐఎస్‌ఐఎస్‌ సోషల్‌మీడియా, ఇంటర్నెట్‌ను బాగా ఉపయోగించుకుంటున్న సంగతి తెలిసిందే. కొత్తగా తాలిబన్లూ దీనినే అనుసరించి న్యూస్‌ వెబ్‌సైట్‌ పేరుతో ఓ యాప్‌ రూపొందించి ప్లేస్టోర్‌లో పెట్టారు. ఉగ్రవాద వ్యతిరేక సంస్థ ఒకటి దీన్ని గుర్తించి చెప్పడంతో గూగుల్‌ ఆ యాప్‌ తొలగించింది.
ఉగ్రవాదం, దూషణ, హింస గురించి ఆడియో, వీడియో రూపంలో ప్రచారం చేసేందుకు, తమ ప్రధాన వెబ్‌సైట్‌కు సందర్శకులను పెంచుకొనే లక్ష్యంతో తాలిబన్లు 'పాస్తో అఫ్గాన్‌ న్యూస్‌-అలెమర' అనే యాప్‌ రూపొందించారు.
ఇది ఏప్రిల్‌ 1, 2016 నుంచి ప్లేస్టోర్‌లో అప్‌లోడైంది. ఉగ్రవాదుల ఆన్‌లైన్‌ కార్యకలాపాలపై నిఘా పెట్టే 'సైట్‌' అనే సంస్థ మొదట దీనిని గుర్తించి గూగుల్‌కు చెప్పడంతో యాప్‌ అప్‌లోడైన రెండు రోజుల్లో తొలగించింది. వర్గం, జాతి, వైకల్యం, జెండర్‌, శృంగారం, హింస తదితర విషయాలపై రూపొందించే యాప్‌లను ఆమోదింకపోవడం గూగుల్‌ విధానం. కొన్ని కారణాల వల్ల ఉగ్రవాద యాప్‌ ప్లేస్టోర్‌లో అప్‌లోడ్‌ అయిందని సంస్థ ప్రతినిధి తెలిపారు.