హైదరాబాద్: తనలా బతకాలనుకుంటే దైవం, సమాజం, ఫ్యామిలీ వదిలేయాలని అంటున్నారు దర్శకుడు రామ్ గోపాల్ వర్మ.. తాజాగా ఆయన తెరకెక్కించిన 'మా ఇష్టం' మూవీ త్వరలో ప్రేక్షకుల ముందుకు రాబోతోంది.. ఈ క్రమంలో మూవీ ప్రమోషన్ లో భాగంగా హీరోయిన్స్.. నైనా గంగూలీ, అప్సరా రాణితో కలిసి 'ఆలీతో సరదాగా' పాల్గొని సందడి చేశారు వర్మ.. ఈ సందర్భంగా పలు ఆసక్తికరమైన విషయాలను పంచుకున్నారు. ఏదైనా మాట్లాడితే ఎవరైనా ఫీల్‌ అవుతారనుకుంటే అందరూ నోరుమూసుకొని, ఇంట్లోనే ఉండాల్సి వస్తుందని అన్నారు. ఓ సినిమా హిట్ అయినా ఫ్లాప్ అయినా దాని గురించి పట్టించుకొనని, నెక్స్ట్ సినిమాలో బిజీ అయిపోతానని చెప్పుకొచ్చాడు. ఇక తనకు నచ్చిన కథలను సినిమాలుగా తీస్తుంటానని, వాటిని థియేటర్‌లకు వెళ్లి చూడాలా, వద్దా? అనేది ప్రేక్షకుల ఇష్టమని తెలిపాడు.