రియాద్: లబ్ధిదారుడు సౌదీ అరేబియా వెలుపల ఉన్నట్లయితే ఎగ్జిట్, రీ-ఎంట్రీ వీసాను ఫైనల్ ఎగ్జిట్ వీసాగా మార్చడానికి అనుమతి లేదని జనరల్ డైరెక్టరేట్ ఆఫ్ పాస్‌పోర్ట్స్ (జవాజత్) ప్రకటించింది. ప్రవాసులు రాజ్యంలోకి తిరిగి ప్రవేశించడానికి చెల్లుబాటు అయ్యే ఎగ్జిట్, రీ-ఎంట్రీ వీసా, రెసిడెన్సీ పర్మిట్ (ఇఖామా) అవసరమని జవాజాత్ పేర్కొంది. యజమాని అబ్షర్ లేదా ముఖీమ్ ఎలక్ట్రానిక్ ప్లాట్‌ఫారమ్‌ల SADAD సర్వీస్ ద్వారా ఫీజు చెల్లించిన తర్వాత రాజ్యానికి వెలుపల ఉన్నవారికి ఎగ్జిట్, రీ-ఎంట్రీ వీసాను ఎలక్ట్రానిక్ పద్ధతిలో పొడిగించవచ్చని జవాజత్ స్పష్టం చేసింది. ఎగ్జిట్, రీఎంట్రీ వీసా వ్యవధిని నెలల్లో (60, 90, 120 రోజులు) నిర్దేశిస్తే, అది జారీ చేసిన తేదీ నుండి ప్రయాణానికి మూడు నెలల పాటు చెల్లుబాటు అవుతుందని జవాజాత్ వెల్లడించింది. ఎగ్జిట్, రీఎంట్రీ వీసా వ్యవధి ప్రయాణ తేదీ నుండి లెక్కించబడుతుందని, అయితే "రిటర్న్ బిఫోర్" అని పేర్కొన్నట్లయితే అది జారీ చేసిన తేదీ నుండి లెక్కించబడుతుందని క్లారిటీ ఇచ్చింది.