మస్కట్: ఒమన్ సుల్తానేట్‌లోని చాలా గవర్నరేట్లలో వాతావరణం క్లియర్‌గానే వుంది. ఉష్ణోగ్రతలు రానున్న రోజుల్లో 50 డిగ్రీల సెల్సియస్‌కి చేరుకోవచ్చు. డైరెక్టరేట్ జనరల్ ఆఫ్ మిటియరాలజీ ఈ మేరకు ధూళి తుపాన్లపై హెచ్చరికలు జారీ చేయడం జరిగింది. ఎడారి అలాగే బహిరంగ ప్రాంతాల్లో ఇసుక, దుమ్ము తుపాన్లు సంభవించే అవకాశం వుంది. ఎడారి ప్రాంతాలు అలాగే సముద్ర తీర ప్రాంతాల్లో 40 నుంచి 50 డిగ్రీల సెల్సియస్ మధ్య ఉష్ణోగ్రతలు నమోదవుతాయి. దోఫార్, అల్ వుస్తా, సౌత్ అల్ షర్కియా, నార్త్ మరియు సౌత్ అల్ బతినా, మస్కట్ ప్రాంతాల్లో ఉత్తర పశ్చిమ వైపుగా బలమైన గాలులు వీస్తాయి.