దుబాయ్: ఎమిరేట్స్ విమానాల్లో క్యాబిన్ సిబ్బందిగా పని చేయడానికి సంబంధించి తమ అనుభూతుల్ని పంచుకున్నారు స్టెఫానో మరియు నథాలియా. విమానంలోకి ఎక్కుతూనే, తమ లగేజీని వేరే కంపార్టుమెంట్లలో పెట్టేయాల్సి వుంటుందనీ, సేమ్ జెండర్ సిబ్బందితో కలిసి అకామడేషన్ పంచుకుంటామనీ చెప్పారు. ప్లేన్ లోపల అంతా క్లీన్‌గా వుండేలా చూసుకోవడం, ప్రయాణీకులకు ఆహారం, డ్రింక్స్ ఇవ్వడం వంటివి చూసుకుంటామనీ, విమానం ల్యాండిగ్‌కి 45 నిమిషాల ముందు ప్రయాణీకుల్ని అప్రమత్తం చేస్తామనీ అన్నారు. మధ్యలో కాస్సేపు విరామం దొరికితే, ఆ సమయం రెస్ట్ తీసుకుంటామని అన్నారు. తెల్లవారు ఝామున బయల్దేరే విమానాల కోసం, ముందు రోజు రాత్రే ఇంటి నుంచి విమానాశ్రయానికి బయల్దేరతామని వివరించారు.