దోహా: వాతావరణంలో తీవ్ర మార్పులు చోటు చేసుకుంటాయని ఖతార్ వాతావరణ విభాగం (క్యూఎండీ) తెలిపింది.  ఈ అర్ధరాత్రి నుండి ఒక మోస్తరు తీవ్రతతో దుమ్ముతో కూడిన గాలులు వీస్తాయని పేర్కొంది. కొన్ని ప్రదేశాలలో  2 కి.మీ.కి లోపునకు క్షితిజ సమాంతర దృశ్యమానత తగ్గుతుందని  క్యూఎండీ హెచ్చరించింది. దేశంలో 32-44 డిగ్రీల సెల్సియస్ మధ్య ఉష్ణోగ్రతలు నమోదవుతున్నందున, వేడి వాతావరణాన్ని తట్టుకునేందుకు జాగ్రత్తలు తీసుకోవాలి అని సూచించింది. బలమైన వాయువ్య గాలులు సముద్రతీరం,  ఆఫ్‌షోర్‌లో కొనసాగుతాయని అంచనా వేయబడిందని.. ఇది దుమ్ము పెరగడానికి, కొన్ని ప్రదేశాలలో క్షితిజ సమాంతర దృశ్యమానతను తగ్గిస్తుందని, తదనుగుణంగా తగిన జాగ్రత్తలు తీసుకోవాలని క్యూఎండీ స్పష్టం చేసింది.