సౌదీ: 2020లో 15 శాతానికి పెంచిన విలువ ఆధారిత పన్ను (వ్యాట్) రేటును తగ్గించడాన్ని పరిశీలిస్తున్నట్లు సౌదీ అరేబియా ఆర్థిక మంత్రి మహ్మద్ అల్-జదాన్ తెలిపారు. కరోనా మహమ్మారి కారణంగా చమురు డిమాండ్‌ తగ్గడంతో చమురు ధరల పతనం అయ్యాయని, దీని నుంచి ఆర్థిక వ్యవస్థను రక్షించేందుకు VAT రేటును పెంచాల్సి వచ్చిందని ఆయన పేర్కొన్నారు. ప్రస్తుతం పరిస్థితులు సానుకూలంగా ఉన్నందున వ్యాట్ తగ్గింపును పరిశీలిస్తున్నట్లు ఆర్థిక మంత్రి తెలిపారు. ఆర్థిక స్థిరత్వం కొనసాగించేందుకు.. చమురు నిల్వలు దేశ స్థూల దేశీయోత్పత్తిలో నిర్దిష్ట శాతం స్థాయి కంటే తగ్గకుండా ఉండేందుకు చర్యలు తీసుకుంటున్నట్లు జదాన్ పేర్కొన్నారు.