బహ్రెయిన్: 2026 నాటికి వార్షికంగా 14 మిలియన్ల మంది సందర్శకులు వస్తారని బహ్రెయిన్ ధీమా వ్యక్తం చేస్తోంది. ఈ విభాగం ద్వారా 11.4 శాతం ఆర్థిక వెన్నుదన్ను వుంటుందని సంబంధిత వర్గాలు పేర్కొంటున్నాయి. బిజినెస్ ఈవెంట్స్ విభాగంలోనూ, ఇతర విభాగాల్లోనూ (ఫార్ములా వన్ జీపీ - ఐసిసిస్ మనామా డైలాగ్ వంటివి) ఇతర విభాగాల్లోనూ పలు కార్యక్రమాలు నిర్వహించడం ద్వారా సందర్శకుల్ని విశేషంగా ఆకట్టుకోగలుగుతోంది బహ్రెయిన్. ఎగ్జిబిషన్ వరల్డ్ బహ్రెయిన్ నవంబర్ నాటికి సిద్ధం కాబోతోంది. ఇది అందుబాటులోకి వస్తే మరింతగా సందర్శకులు పెరుగుతారు. గల్ఫ్ ఎయిర్‌లో పెద్దయెత్తున పెట్టుబడులు కూడా సందర్శకులని ఆకర్షించి తద్వారా ఆర్థిక రంగానికి ఊతమివ్వనున్నాయి.