అబుధాబి: ఖతార్ ఎయిర్ వేస్, అబుధాబి మరియు దోహా మధ్య ప్రతి రోజూ నడిచే విమానాల సంఖ్యను పెంచనుంది. జులై 10 నుంచి రోజూ మూడు విమానాలు నడవనున్నట్లు సంస్థ ప్రకటించింది. ఈ పెంపుతో మొత్తంగా వారానికి 21 విమానాలు ఈ రెండు నగరాల మధ్య నడవనున్నాయి. యూఏఈలోని దుబాయ్, షార్జా మరియు అబుధాబి నుంచి మొత్తంగా 56 విమానాలు దోహాకి నడుస్తాయి. ఖతార్ ఎయిర్‌వేస్ విస్తరించిన నెట్‌వర్క్ ద్వారా అమెరికా, యూరోప్, ఆసియా మరియు ఆఫ్రికా దేశాలకు అబుధాబి ప్రయాణీకులు వెళ్ళేందుకు ప్రయాణం మరింత సులభతరమవుతుంది. ఇటీవల ఖతార్ ఎయిర్‌వేస్ ప్రవేశపెట్టిన ఇంటిగ్రేటెడ్ రివార్డ్స్ కరెన్సీని కూడా ప్రయాణీకులు పొందవచ్చు.