కువైట్: విజిట్ వీసాలపై దేశంలోకి తీసుకొచ్చిన వ్యక్తులు తిరిగి వెళ్లకపోవడంతో వారిని దేశంలోకి రప్పించిన కొంతమంది విదేశీ స్పాన్సర్‌లకు జరిమానాలు విధించాలని అంతర్గత వ్యవహారాల మంత్రిత్వ శాఖ యోచిస్తోంది. అలాగే థీసిస్ స్పాన్సర్‌లకు రెండు సంవత్సరాల వ్యవధిలో కుటుంబ వీసాలతో సహా ఎలాంటి వీసాలు జారీ చేయకూడదని నిర్ణయించినట్లు సమాచారం. మొదటి ఉప ప్రధాన మంత్రి, అంతర్గత వ్యవహారాల మంత్రి లెఫ్టినెంట్ జనరల్ (రిటైర్డ్) షేక్ అహ్మద్ అల్-నవాఫ్ సూచనల ఆధారంగా ఈ విధానాలను అంతర్గత వ్యవహారాల మంత్రిత్వ శాఖ అధ్యయనం చేస్తుందని ఓ ఉన్నతాధికారి పేర్కొన్నారు. బ్రిగేడియర్ జనరల్ వాలిద్ అల్-తారావా నేతృత్వంలోని రెసిడెన్స్ అఫైర్స్ సెక్టార్ ఈ మేరకు నివేదికలు సమర్పించినట్లు తెలుస్తోంది. గత మూడేళ్లలో 14,653 మంది ప్రవాసులు మే 2022 మొదటి తేదీ వరకు విజిట్ వీసాలపై దేశంలోకి ప్రవేశించారని, వీసా గడువు ముగిసిన ఇంకా వారు దేశంలోనే ఉన్నారని అంతర్గత వ్యవహారాల మంత్రిత్వ శాఖ వెల్లడించింది.