రెడ్‌ సిగ్నల్‌ని జంప్‌ చేస్తే 500 ఒమన్‌ రియాల్స్‌ వరకూ ఫైన్‌ విధించనున్నామనీ, ఏడాది జైలు శిక్ష విధించే అవకాశం ఉంటుందని రాయల్‌ ఒమన్‌ పోలీసులు వాహనదారుల్ని హెచ్చరించారు. నిబధనల్ని ఉల్లంఘించినవారికి ఏడాది జైలు శిక్షతోపాటు, ఫైన్‌ కూడా విధించవచ్చని పోలీసులు తెలిపారు. రెడ్‌ లైట్‌ జంపింగ్‌ని అతి ప్రమాదకరమైన డ్రైవింగ్‌గా రాయల్‌ ఒమన్‌ పోలీసులు అభివర్ణించారు. రాంగ్‌ లేన్‌లో వాహనం నడిపినవారికి 35 ఒమన్‌ రియాల్స్‌ ఫైన్‌ విధించడం జరుగుతుంది. రోడ్లపై ప్రమాదాలు తగ్గించేందుకు కఠిన చర్యలు తీసుకోవాల్సి వస్తుందని రాయల్‌ ఒమన్‌ పోలీసు వర్గాలు చెప్పాయి.