మనామా: బహ్రెయిన్‌లోని పలు ప్రాంతాల్లో ఉష్ణోగ్రతలు అధికంగా నమోదవుతున్నాయి.కొన్ని చోట్ల 46 డిగ్రీల వరకు నమోదవుతున్నాయి.మిటియరాలజీ విభాగం వెల్లడించిన వివరాల ప్రకారం నిన్న 46 డిగ్రీల సెల్సియస్ నమోదయ్యిందనీ, హ్యుమిడిటీ 80 శాతంగా వుందనీ, అత్యల్ప ఉష్ణోగ్రత 29 డిగ్రీల సెల్సియస్‌గా వుందనీ తెలుస్తోంది. గత నెలలో సాధారణ వాతావరణం నెలకొనగా, ఈ నెలలో ఉష్ణోగ్రతలు తీవ్రంగా వుండడంపై సోషల్ మీడియాలో నెటిజన్లు, వేడి వాతావరణంతో తల్లడిల్లిపోతున్నట్లు తమ అభిప్రాయాల్ని పంచుకుంటున్నారు.