యూఏఈ: షార్జా రోడ్లపైకి వచ్చే ట్రక్కుల సమయాల్లో షార్జా రోడ్స్ అండ్ ట్రాన్స్ పోర్ట్ అథారిటీ (SRTA) మార్పులు చేసింది. జూలై 4 నుండి ఈ కొత్త టైమింగ్ షెడ్యూల్ అమలులోకి రానుంది. ఎమిరేట్‌లోని అన్ని రహదారులపై ట్రక్ సమయాలను షార్జా పోలీసుల సహకారంతో అమలు చేయనున్నారు. షార్జా-అల్ దైద్ రోడ్, ఎమిరేట్స్ బైపాస్ రోడ్, ఎల్ హ్బాబ్-అల్ మేడమ్ రోడ్ లలో ట్రక్కులు ఉన్న రోడ్లు మినహా ఉదయం 5:30 నుండి 8:30 వరకు..  మధ్యాహ్నం 3:00 నుండి రాత్రి 8:00 వరకు ట్రక్కులను నిషేధించారు. అలాగే ఉదయం 5:30 నుండి 8:30 వరకు ట్రక్కుల కదలికలపై నిషేధం విధించారు. కాగా షేక్ మహ్మద్ బిన్ జాయెద్ రోడ్‌లో ట్రక్కు సమయాలను మార్చలేదు. ఎమిరేట్స్ వీధులు, రోడ్లపై ట్రాఫిక్ సాఫీగా సాగేందుకు కొత్త నిబంధనలు తీసుకొచ్చినట్లు ట్రాన్స్ పోర్ట్ అథారిటీ తెలిపింది. నిబంధనలు పాటించని ట్రక్కుల యజమానులకు జరిమానాలను విధించనున్నట్లు పేర్కొంది.