కువైట్: కమ్యూనికేషన్స్ మరియు ఇన్ఫర్మేషన్ టెక్నాలజీ రెగ్యులేటరీ అథారిటీ (సిట్రా), అంతర్జాతీయ టెలికమ్యూనికేషన్ ఇన్‌ఫ్రాస్ట్రక్చర్ ఏర్పాటులో భాగంగా అతి పొడవైన అండర్ వాటర్ కేబుల్ లింక్ పనుల్లో నిమగ్నమై వుంది. కంపెనీల కన్సార్టియం ద్వారా దీన్ని ఏర్పాటు చేస్తున్నారు. గల్ఫ్ దేశాల మీదుగా సౌతాఫ్రికాకి ఈ లింక్ వుటుంది. ఆ తర్వాత అంతర్జాతీయ కమ్యూనికేషన్ ట్రాఫిక్‌తో కనెక్ట్ అవుతుంది. దాంతో లాంగెస్ట్ గ్లోబల్ మెరైన్ కేబుల్‌గా అవతరించనుంది. ఇంటర్నెట్ వేగం పెరగడం సహా, అత్యాధునిక సాంకేతిక పరిజ్ఞానం మరింత వేగంగా అందుబాటులోకి రావడానికి ఈ లింక్ ఉపయోగపడుతుంది.