ఒమన్: ఒమన్ సుల్తానేట్‌లోని బహ్లా లోయలో ప్రవాహంలో కొట్టుకుపోతున్న ఇద్దరు పిల్లలను ఒమానీ వ్యక్తి సాహసం చేసి రక్షించి ఒడ్డుకు చేర్చాడు. దీనికి సంబంధిన వీడియో సోషల్ మీడియాలో వైరల్ అవుతోంది. కాలువ మధ్యలో రాళ్లపై  ఇద్దరు పిల్లలు ఉండగా.. ఒక్కసారిగా కాలువలో ప్రవాహం పెరిగింది. ఆ వేగానికి పిల్లలు కొట్టుకుపోయేవారు. ఇంతలో ఒమానీ వ్యక్తి సాహసం చేసి పిల్లలను సమీపించి వారిని తనతోపాటు ఒడ్డుకు చేర్చేందుకు తీవ్రంగా శ్రమించాడు. ఇటీవల సముద్రంలో చేపల వేటకు వెళ్లి తప్పిపోయిన అలీ, సలేం అనే ఇద్దరు ఒమానీ యువకులు 10 రోజుల తర్వాత పాకిస్తాన్ ఆఫ్‌షోర్‌లో పాకిస్తాన్ నేవీకి కనిపించిన విషయం తెలిసిందే.