డార్లింగ్ భామతో చరణ్ - శంకర్ సినిమాలో స్పెషల్ సాంగ్.?
- June 28, 2022డార్లింగ్ ప్రబాస్ కోసం బాలీవుడ్ ముద్దుగుమ్మ జాక్వెలీన్ ఫెర్నాండెజ్ తెలుగులో సందడి చేసింది. ప్రబాస్ నటించిన ‘సాహో’ సినిమాకి ప్యాన్ ఇండియా ఫ్లేవర్ అద్దే క్రమంలో స్పెషల్ సాంగ్ కోసం బాలీవుడ్ బ్యూటీ జాక్వెలీన్ ఫెర్నాండెజ్ని ఎత్తుకొచ్చిన సంగతి తెలిసిందే.
‘బ్యాడ్ బోయ్..’ అంటూ సాగే పాటలో, ప్రబాస్ పక్కన ఘాటుగా అందాలరేసేసింది శ్రీలంక బ్యూటీ జాక్వెలీన్ ఫెర్నాండెజ్. అయితే, ఇప్పుడు ఇంకోసారి టాలీవుడ్ తెరపై ‘స్పెషల్’ చిందులేయడానికి జాక్వెలీన్ రెడీ అవుతోందట. ఈ సారి మెగా పవర్ స్టార్ రామ్ చరణ్ సినిమాకి తన ‘స్పెషల్’ ఫ్లేవర్ అద్దబోతోందట జాక్వెలీన్ ఫెర్నాండెజ్.
మెగా పవర్ స్టార్ రామ్ చరణ్, క్రియేటివ్ డైరెక్టర్ శంకర్ కాంబినేషన్లో తెరకెక్కబోయే సినిమా కోసం జాక్వెలీన్తో స్పెషల్ సాంగ్ చేయించే యోచనల్లో చిత్ర యూనిట్ వున్నట్లు తెలుస్తోంది. త్వరలోనే ఈ విషయమై అఫిషియల్ క్లారిటీ రానుంది.
కాగా, ఈ సినిమాకి ‘సిటిజన్’ అనే టైటిల్ పరిశీలిస్తున్నట్లు తెలుస్తోంది. కైరా అద్వానీ ఈ సినిమాలో చరణ్కి జోడీగా నటిస్తోంది. అత్యాధునిక సాంకేతిక విభాగంతో, విజువల్ వండర్గా ఈ సినిమా రూపొందుతోంది. భారీ బడ్జెట్తో ప్యాన్ ఇండియా రేంజ్ హంగులు, కళ్లు చెదిరే యాక్షన్ ఘట్టాలను ఈ సినిమా కోసం ప్లాన్ చేశాడట డైరెక్టర్ శంకర్.
ప్రస్తుతం శరవేగంగా షూటింగ్ జరుపుకుంటోంది ఈ సినిమా.
తాజా వార్తలు
- కాలిఫోర్నియా లాంగ్ బీచ్లో కాల్పుల కలకలం
- ఉమ్ రామూల్, అల్ బర్షాలోని ఆర్టీఏ కేంద్రాలు అప్గ్రేడ్
- దుబాయ్ కు పోటెత్తుతున్న భారతీయులు..!
- సౌదీ రాజుకు HM సుల్తాన్ సంతాపం
- టాప్ 20 ప్రపంచ కార్ మార్కెట్లలో సౌదీ అరేబియా
- ఇన్వెస్ట్ స్కామ్..బౌన్స్ చెక్కు జారీ చేసిన వ్యక్తికి జైలు శిక్ష
- యూఏఈలో వేసవి ప్రారంభం వరకు వర్షాలు..!
- ఏపీలో ప్రభుత్వ ఉద్యోగులకు గుడ్న్యూస్..
- ఎన్నికల వేళ ఆంధ్రప్రదేశ్ డీజీపీ రాజేంద్రనాథ్ రెడ్డి పై ఈసీ బదిలీ వేటు
- వాట్సాప్ అకౌంట్ ‘రిస్ట్రిక్షన్’ ఫీచర్ వచ్చేస్తోంది..